mar
13
2013

Aktivitetar

Jølster er eit eldorado for folk som elskar friluftsliv. Går du med planar om å skaffe deg ei hytte for å nyte fritida di, skal du sjå nærare på kva Holtane Hyttegrend kan tilby.

I tillegg til ei fantastisk utsikt over store deler av vakre Jølster, får du høgkvalitetshytter rett ved skianlegget Jølster skisenter.

Vinterstid ligg snødekte fjell og ventar på deg, dersom du vel langrennski i staden for slalåm.

Jølster løypelag er  stifta for å drifte og utvikle løypenettet i området. Det er utbygd ca 20 km løypenett og 3 km lysløype med parkerings plass like ved Holtane Hyttegrend. Plalnene ligg klar for ny lysløype, skileik og stadion anlegg like ved.

Her kan du spenne på deg langrenn eller alpinski ved hytta og gå rett ut i løypene.

Når våren kjem og snøen smeltar, er det kort veg til golfanlegget. Jølstravatnet ligg der og blenkjer. Kva med ein tur i robåt og ein oter på slep? Eller ein kveld ved elva Jølstra på jakt etter auren? Kansje rafting i Jølstra,brevandring eller paintball ?

Området byr også på mykje meir. Frå hytta di i Holtane Hyttegrend er det kort veg til Astruptunet og Eikåsgalleriet. Og langsmed same vegen er det både hotell, kafé, butikkar, bensinstasjon m.m.

Når skogen skiftar farge frå grønt til gult, raudt og brunt er det tid for jakt og bær. Eller du kan berre vandre rundt i fjella og nyte den strålande naturen.

Tenk deg då, etter ein av desse opplevingane, og komme attende til hytta og berre nyte lange, vakre kveldar, med den flottaste utsikta du kan tenkje deg.

Snakk med oss i dag - og vi kan fortelje deg mykje meir om kvifor du bør bygge hytta di i Holtane Hyttegrend.